هل هنيدى فى رمضان مبروك ابو العلمين حموده قدر يبقى هنيدى

بسم الله الرحمن الرحيم

السلام عليكم ورحمة الله وبركاته

-----------------------------

اليوم سوف اتناول تحليل فيلم " الأستاذ رمضان مبروك ابو العلمين حموده "وبالطبع

سكون هذا التحليل حسب وجهة نظرى الشخصيه

اولا هذا هو بوستر الفيلم الرئيسى


والأبطال هم


محمد هنيدى - سيرين عبد النور - ليلى طاهر - محمد شرف


لطفى لبيب - ومجموعه من الشباب


--------------------------------------------------
اولا فكره دخولى الفيلم جاءت عن طريق الصدفه البحته جدا كنت مع اصحابى وباعدين
واحد قالى انت لو كنت جيت بدرى شويه كنا دخلنا السينما قولتلهم احنا فيها يلا ندخل الحفله إللى بعد كده
وبالفعل دخلنا حفله الساعه 9 بمجمع سينمات فاميلى سينما المعادى علشان كنا قرييبن منها
المهم رحنا واحترنا ندخل اى فيلم كان الأختيار محصور بيم احمد عيد وفيلم " رامى الأعتصامى " وبين
فيلم رمضان مبروك ابو العلمين حموده وتم الأختيار على فيلم هنيدى علشان سمعنا انه فيلم كويس
ومحمد هنيدى غير من نفسه علشان احنا مادخلناش اى فيلم قبل كده لهنيدى قولنا نجرب
المهم من مشاهدتى للفيلم انا واصحابى خرجنا بالحاجات إللى انا هاقولها دى
. . . . . . . . . . . . . . .
اولا قصة الفيلم

مدرس يعيش فى الأرياف وهو مدرس لغه عربيه ذو شخصيه قويه جدا يخاف منه حتى مدير مدرسته
وهذا ألستاذ يعيش على مبادئ لا تتجزأ ويحدث له مفارقه تغير مجرى حياته وينتقل إلى العمل فى ارقى مدارس
مصر بعد عمله فى مدرسه بالأرياف ومن هنا تبدأ احداث الفيلم ويقابل المطربه العربيه بسبب موقف معين
ويقع فى غرامها ويتغير موقفه من النقيض للنقيض ويخلى عن جزء كبير من مبادئه حتى يرجع إلا اصله مره اخرى .و
. . . . . . . . . . . . . .
اولا رأينا فى قصه الفيلم تأليف الأستاذ " يوسف معاطى " فى اعتقادنا ان القصه بوجه عام
تم تنفيذها فى السينما عشرات المرات ولكن بطريقه مختلفه نوعا ما
وسألنا انفسنا سؤال هل الفيلم اعاد محمد هنيدى مره اخرى بفيلم قوى بعد غياب
فى اعتقادنا انه احسن من المرات السابقه والفيلم اضحكنا كثيرا ولكن احداث الفيلم غير معقوله
فكيف بأستاذ كبير ذو اخلاق من الأرياف يقبل على نفسه ان يراقب تلاميذه بمثل هذه الطريقه الفجه
وكيف ينام ويعيش مع المطربه فى الفندق وتصاعد الأحداث كان يمشى ببطئ ثم فجأه تنقلب الأحداث
مره واحده وتعود فى صف البطل وكأن شيئا لم يحدث بمجرد حادثه من الأفلام المصرى
هذه نقطه واكبر نقطه اخذناها على الفيلم وهناك نقطه اخرى هى ان مقومات البطل
كمحمد هنيدى كجسمه غير متوافقه مع الشخصيه لأنه فى الفيلم ذو شخصيه قويه
يجعل التلاميذ " قده مرتين " يهابونه ويجرون ويهرولون امامه كالفئران
مع احترمى الكامل لمحمد هنيدى كأنسان وشخصيه بالطبع ولكن فى الفيلم كانت اوفر شويه
اقصد شويتين وايضا المطربه تقع فى غرام البطل رمضان لمجرد انه زعق او على صوته على التلاميذ
ايضا فيها سذاجه شويه من وجهه نظرى
هذه هى الملاحظات على القصه
. . . . . . . . . . . . . . .
اما عن اداء الممثلين

محمد هنيدى : ادى دوره بصوره جميله اضحكتنى شخصيا وهو دور جديد عليه لكن مقتنعتش بالقصه والتركيبه
ولكن اعجبنى مشهده عندما حبسه التلاميذ وهو يريد دخول الحمام واستمر اعجابى حتى وصل إلى البيت
هذا الجزء من الفيلم كان مؤثر جدا وهنيدى اداه ببراعه بجد

سيرين عبد النور : لم تقنعنى فى دورها مع انها وجه جميل وتشبه ميرفت امين جدا فى مشهد اغنيه
عبد الحليم حافظ

ليلى طاهر : احسن اداء فى الفيلم ودور حلو قوى وجديد عليها جدا وهى جميله بجد

لطفى لبيب : لم يضف له الدور اى شئ جديد مثله مثل عزت ابو عوف

محموعه الشباب فى الفيلم او الثلاثه على وجه الخصوص لا اعرف اسمائهم ادور ادوارهم بجديه
وبصوره ملفته صراحه ولكن شدنى اكثر ابو نضاره واسف انى معرفش الأسم

وملاحظه صغيره فوجئت وانا اشاهد الفيلم بأحد اصحابى من مضمن التلاميذ وهو ابو شعر غريب
هاتشوفه فى الصور الجيه وهو اسمه كريم واحنا بنقوله افيلينوا لأنه ذو بشره سمراء
وكان طالع ابن وزير البيئه
واتمنى ان ينال تحليلى اعجابكم وهو راى شخى فقط
وألأن مع الصور





هو ابو شعر ده هههه


والسلام عليكم ورحمة الله وبركاته

شكرا يا ميدو على تحليلك الجميل للفيلم
الفيلم ناجح جدا من اول مانزل بس اعتقد انه ميستاهلش كل النجاح ده
القصه مش غريبه او مش جديده اوي على السينما المصريه
بس يمكن هنيدي غير شويه من اسلوبه في الافلام وطريقته في تأديه دوره اختلفت عن باقي افلامه
وعلى فكره مش لازم الانسان اللي شخصيته قويه يبقى ضخم ياعني طول بعرض
في ناس في نفس حجم هنيدي وشخصيتها قويه جدا ماهو مش بالشكل
سيرين بقى (اللي شبه ميرفت امين) هي حلوه ماشاء الله عليها بس مش لدرجه ميرفت امين
ومش مقتنعه بيها ممثله خالص للاسف
الفيلم عجب ناس كتير اوي بس انا حسيت بملل غريب لما اتفرجت عليه
وفي نقطه استفذتني شخصيا انه كان عايز يجمع فلوس الشرط الجزائي في العقد علشان ميخليهاش تغني تاني وعلشان يجمع الفلوس دي خلاها تغني وترقص في كباريه طيب ازاي
وشكرا مره تانيه ياميدو